Најмногу дожд во изминативе 24 часа наврна во Пожаране каде се измерени 46 l/m2, потоа следува Тетово со 40 l/m2, 26 l/m2 во Охрид, 15 во Крушево, 13 во Претор, 10 Прилеп, Берово, 7 Струмица, 6 Битола, 4 Крива Паланка, 2 Штип, Скопје – Петровец.

Времето денеска  ќе биде променливо облачно со повремени врнежи од дожд. Во источните и во крајните западни делови врнежите ќе бидат пообилни, а на југоистокот ќе има услови и за појава на грмежи. Ќе дува слаб до умерен ветер од јужен правец. Максималната температура ќе се движи во интервал од 12 до 16 степени.

Утрово најстудено е во Лазарополе каде се измерени 5 степени, а по него следуваат Крушево и Маврови Анови со 6 степени.

Измерени се 8 степени во Претор, 9 во Тетово, Охрид, 10 степени се регистрирани во Скопје-Петровец, Битола, Прилеп, Берово, Кр.Паланка, 11 пак во Скопје-З.Рид, 12 степени во Струмица, Гевгелија, додека пак најтопло со 14 степени е во Демир Капија, Штип.

Метеорологот Славчо Попоски веќе најави дека циклон ќе ја зафати Македонија и ќе донесе обилни врнежи од дожд. 

foto freepik.com/ jes2ufoto