Поранешниот премиер Никола Груевски и бегалец од правдата во земјава, не престанува да ја бранува јавноста.

Веб сајтот Mkdnews.com објави дека Груевски е фотографиран од страна од нивен редовен читател, на Меѓународниот аеродром Ферихеги – Будимпешта.

Дали екс премиерот ја напушта Будимпешта или ги испраќа пријателите кои му биле на гости, не е јасно…, пишува сајтот. 

Оваа фотографија беше причина некои медиуми да го постават прашањето и дали можеби азилантот во Будимпешта, Груевски, се враќа во Македонија

Поранешниот премиер во земјава беше осуден на казна затвор од две години во случајот на СЈО „Тенк“, заради противзаконско влијание при набавка на луксузен мерцедес.

Се уште останува енигма како успеа да избега од земјава непосредно пред да оди на издржување на казната.