Во општина Ѓорче Петров денеска беше пуштена реконструираната улица „Социјалистичка зора“, со што појаснуваат од општината, целосно е реализиран проектот за реконструкција на стари и изградба на нови сервисни улици со сите потребни инсталации.

Во рамки на овој проект завршени се 16 планирани улици во урбаниот дел од општината во должина од 7.357 метри, а реконструирани и асфалтирани се и 20 улици во руралниот дел во населените места Кисела Јабука, Волово, Волково-Пржина и Ново Село во должина од 6.910 метри.

За градежните работи беа обезбедени средства од кредитот од Светска банка во висина од 1,2 милиони евра, а за улиците од руралниот дел 20 милиони денари се потрошени од општинскиот буџет.