Ќе се реши ли конечно водоснабдувањето во Кавадарци и Росоман?
Како дел од проектот вреден над два милиони евра доделени за решавање на проблемот со водоснабдувањето во Кавадарци и во Росоман, денеска пристигнаа филтрите за третман на дополнителните количини вода кои ќе се носат во системот за водоснабдување.
Градоначалниците на двете општини изразија задоволство што проблемот со водата за пиење овие две општини заеднички го решаваат.
Овој проект е најголема инвестиција финансирана од Европската инвестициска банка преку Министерството за транспорт и врски, а во неговата реализација двете локални самоуправи ќе учествуваат и со буџетски средства, соопштуваат од двете општини.
Слично
Поврзани вести
