Храмот кој потекнува од 1870 година, Црквата „Свет Спас“ од селото Бели Кочанско ќе биде реновиран од страна на Месната заедница и Црковниот одбор кои собраа доволно финансиски средства за уредување, заштита и започнување со градежните зафати на црквата. - Најпрвин започнавме со оградување на црквата со поставување на бетонски потпорни ѕидови, потоа ќе пристапиме на уредување на конаците и заштиатата на кровот каде што од северната страна има мали напукнувања и прокиснувања, вели Ванчо Арсов, претседател на Црковниот одбор во село Бели. Според Арсов во третата фаза ќе се пристапи кон заштитата на богатиот фрескоживопис, како и на иконите од кои десетина се ставени под заштита на државата како културно богагство. Инаку црквата „Свети Спас“ им користи на жителите од село Бели за венчавки и крштевки, а се почесто е посетувана од бројни туристи заедно со манастиорот „Свети Илија“ кај шест вековниот даб-платан близу село Бели-Кочанско.