Не стивнуваат реакциите во јавноста по фамозното интервју интервју на новинарот Драган Павловиќ Латас дадено за јутјуберот Стефан Лазарв.

Реакции за нивнот разговор пристигнаа од сите страни, од кои голем дел со осуда за „разговорот“, кое поттикна во јавноста дилема дали она за што раскажува Латас е или не е силување.

На социјалните мрежи се уште овој разговор предизвикува бројни полемики, а гледаноста на видеото експлодираше. 

Поради контраверзниот „разговор“ меѓу Латас и Лазаров голем број твитерџии објавија дека испратиле свои реакции до Јутуб, барајќи да се разгледа содржината и да се отстрани од платформата поради ширење на „насилство“. 

Јас си манав репорт на каналот на Лазаров, сега вие сте на ред. pic.twitter.com/XUAlQtY6Ei

— Mozzy insta? (@denko_bt) February 19, 2023

Голем број јутубери и покрај објаснувањето на Лазаров сметаат дека во интервјуто има многу неприкладна содржина, која поттикнува насилство и која ги загрозува правата на жените поради што бараат тој да добие забрана за емитување. 

Пријавено. Ај дечки да го решиме овај мајмунот. https://t.co/R1uY6sBBoc pic.twitter.com/CnLavxBiEF

— Ержебет Батори (@erzebet_batori) February 19, 2023

Осуди за видеото имаше и од Хелсиншкиот комитет, а поради „разговорот“ две компании ја откажаа поддршката за јутуберот Лазаров. 

„Објавеното интервју од јутјуберот Лазаров, каде неговиот гостин Латас споделува дека тој и неколку другари на 15 годишна возраст злоставувале девојка е колективен, општествен пораз и реален приказ за тоа како ги третираме жените жртви на насилство.“, напишаа од Хелсиншки.

Всушност повеќе невладини организации, јавни личности и корисници на социјалните мрежи побараа државни органи да реагираат во врска со изјавите на новинарот и водител Драган Павловиќ – Латас дадени во поткаст за јутјуберот Стефан Лазаров, за кој тие сметаат дека содржи промоција на насилство врз жените, како и признание од Латас дека на 14-годишна возраст извршил силување.

Се огласи Латас со објаснување дека не станува збор за силување и промоција на насилство, туку за обид за негова стигматизација.

„Не постои моја изјава, никаде и никогаш, за силување особено не на кое јас сум присуствувал. Значи, нема ни во посочената емисија, подкаст, кој е најпопуларен во државава, а замисли се уште не е под ваша контрола“, вели Павловиќ.

Тој додава дека тоа може да се види од самото видео, кое го има на мрежата Јутјуб.

Со свое видување излезе и водителот Стефан Лазаров, кој повика да се погледне подкастот во кој Латас во ниту еден момент не вели дека некоја девојка била силувана.

„Жално е што се крева лажна хајка и се оцрнува моето име, но кога некој покренува иницијатива со вакви сериозни обвинувања, фер е да се изгледа видеото и да се види дека ситуацијата била сосема поинаква и не станува збор за никакво силување. Никогаш не сум дискриминирал ниту пак сум подржувал изживување врз женскиот род. Јасно ми е дека живееме во држава во која се чека момент некој да биде уништен, и немам проблем со тоа, но да прифатам дека сум подржувач на силување нема никогаш“, напиша Лазаров на својот профил на Фејсбук.

Сепак ваквиот одговор од Лазаров беше пречакан со уште поголеми реакции од јавноста.

On ne prestanuva da se sili, pobednik ke bil gmizavec eden pic.twitter.com/uW3DBqzOsN

— Калиси (@MajkaNaZmejovi) February 19, 2023

Голем број луѓе на социјалните мрежи укажаа дека водителот не е свесен за своите грешки, и за штетата која ја направиле со разговорот. 

А бе насилнику еден, 10000 пати е подобро за едно дете да расте со две мајки/двајца татковци отколку со маж и жена, од кои едниот е силувач и насилник! Ќе израсне многу подобро дете од такви родители кои знаат што е неправда и дискриминација, отколку со еден насилник и криминалец pic.twitter.com/LWTA7GM03A

— La Electra (@vivianaa9312) February 19, 2023