Скандалот на Онкологија ја крена македонската јавност на нозе. Сите кои имале некакво искуство со Клиниката за Онкологија, ги споделуваат искуствата на социјалните мрежи. Една од нив е и Станислава Чочоровска.

„Јули 2017.Станче имаш инвазивен канцер. Не можам да напишам, како се чувствував.

Знаете ли каков е животот меѓу две контроли? Шест години агонија. Страв.

Онкологија, како предпоследна станица на животот.

ДА МУ ЈА УКРАДЕШ НАДЕЖТА НА ЧОВЕК, ДА МУ ЈА УКРАДЕШ ШАНСАТА ЗА ЖИВОТ, ДА ГО ГЛЕДАШ ВО ОЧИ, ДА МУ СЕ ПОТСМЕВАШ И ЛАЖЕШ, А ЗНАЕШ ДЕКА ГО УБИВАШ ЗА ПАРИ. Да ги лажеш семејствата на болни луѓе, да им го украдеш последното. Гледајќи спас за најблиските во вас, продаваа се што имаа.

Само сакам од прв до последен од Идризово да ве носат на онкологија и да ги има сите терапии за вас. Никој да не ви ги краде, никој да не ве лаже. Да ве лечат, да се надевате, да и се радувате на секоја контрола со чист резултат.

ЈАВНО ОБЈАВУВАЊЕ НА ИМИЊА на сите ИНВОЛВИРАНИ, списоци на пациенти на сите требувања на терапии. На чии имиња требувавте?

Како можевте, како ?“ напиша таа.