Скопското јавно претпријатие „Комунална хигиена“ апелира дека градската служба во псоелдните неколку месеци се соочуваа со големо количество отпад од заштитни маски и ракавици што граѓаните го исфрлаат на јавните површини или пак несоодветно спакувани ги оставаат во садовите наменети за комунален отпад.

„Употребените заштитни маски особено претставуваат потенцијален извор на зараза и согласно епидемиолошките препораки, овој тип на отпад треба да биде одложен уредно спакуван во двојни кеси“, велат од претпријатие.

Директорот Абдусамед Шабани апелира употребените заштитни маски да се одлагаат правилно и совесно и тие да бидат соодветно спакувани, со цел да се заштити здравјето на вработените во претпријатието коишто секојдневно доаѓаат во контакт со овој потенцијално контаминиран отпад и воедно да се намали ризикот од ширење на вирусот Ковид-19.