Tреба да се подложат на проверка и обвинителството и судството, изјави републичкиот јавен обвинител Љубомир Јовески на новинарско прашање денеска на прес-конференција во обвинителството. 

„Видовте што се случи со последната одлука за бесправно градење. На таквите судии не им е местото во суд. Поддржувам таков процес, во кој, во рамките на обвинителството и судството ќе останат чесните судии и обвинителите со интегритет“ – изјави Јовески.

Но, судиите и обвинителите ќе се спасат од ветинг. Премиерот Зоран Заев вели дека процесот засега не може да се спроведе бидејќи недостасуваат овие кадри. Според систематизација, во државата се предвидени 750 судиски места, а моментално се пополнети 520, рече премиерот.