Јован Митрески е нов претседател на македонското Собрание. 

Досегашниот координатор на пратеничката група на СДСМ, Јован Митрески е нов претседател на македонското Собрание. За неговиот избор за собраниски спикер гласаа 65 пратеници, а 40 беа против. Тој вети дека ќе биде отворен за соработка со сите пратенички групи. 

„Верувам дека заеднички ќе продолжиме да ја јакнеме демократијата бидејќи за млади демократии како нашата тоа е важно да го правиме секој ден“, рече Митрески. 

Координаторот на пратеничката група на ВМРО-ДПМНЕ Никола Мицевски, пак, кажа дека „денес е голем ден во кој оваа власт продолжува пополека, но сигурно дел по дел, функционер по фунцкионер да се руши како кула од карти“. Граѓаните во мај ќе гласаат на избори.