Потпретседателката на Бугарија, Илијана Јотова изјави дека не треба да се прикрива фактот дека кирилицата е создадена од Бугарите.

„Ние му дадовме нешто на светот. Престанете да ја прикривате писменоста создадена од Бугарите“, вели Јотова.

Таа ги нагласи и „перспективите за кирилицата во дигиталната ера и дали се заканува изумирање“. Јотова коментираше и за наставата на бугарскиот јазик во странство – на 39 катедри. За неа тоа е малку и побара од научниците на Меѓународен кириличен форум да ги анализираат причините и дополнително да ги развијат катедрите. На форумот учествуваат познати бугарски научници од Австрија, Белгија, Германија, Грција, Италија, Литванија, Полска и Србија, како и бугарски средновековнисти.