Специјалната јавна обвинителка, Катица Јанева денеска изјави дека се надева дека одлуките на судиите ќе бидат засновани на закони, и будно ги следат случувањата околу судството. 

Јанева се надева на личниот и професионалниот интегритет на судиите.

Таа денеска  присуствуваше на дебатата „Судско одмерување на казните и практична примена на алтернативните мерки во македонското законодавство“.

„Будно ги следиме овие случувања околу судството, како институција која е зависна од судските одлуки. Што се однесува до нас, ние се надеваме дека личниот и професионалниот интегритет на судиите ќе дојде до израз во оваа ситуација и дека нивните одлуки ќе бидат засновани на закон и на нивен личен интегритет и дека нема да трпат влијание во однос на нашите постапки и барања“ – вели Јанева.

Работата на СЈО е мошне важна, а четирите партии со Пржинскиот договор се договорија да постои оваа институција и комисијата на Европската унија донесе одлука за поддршка на СЈО на 9 ноември оваа година, изјави германската амбасадорка Кристине Алтхаузер.