Специјалната јавна обвинителка, Катица Јанева по скоро пет часа распит, излезе од Обвинителството и неколку минути одговори на неколку прашања на новинарите кои со часови ја чекаа пред ОЈО.

Јанева пред медиумите рече дека била во обвинителството во својтсво на сведок  и дека тоа што зела со себе правен консултант било нејзино право.

„Истрага е оваа, во истрага не се споделуваат информации“, рече обвинителката и додаде дека се уште се работи на случајот и очекува дека ќе има судење. 

Одговарајќи на новинарско прашање за нејзините телефони, таа рече дека и двата телефони и се одземени и се на анализа во обвинителството, форматираниот и подарен мобилен бил трет.

Јанева категорично рече дека не чувствува вина, а за тоа што барала спогодба за случаите „Империја“ и „поштенска банка“ имало време кога ќе се објасни