Поранешната специјална јавна обвинителка Катица Јанева доби условен отпуст и го напушти КПУ „Идризово“, каде што од 2021 година ја издржуваше седумгодишната затворска казна.

Како што изјави за САКАМДАКАЖАМ.МК директорот на затворот „Идризово“, Зоран Јовановски, Јанева на почетокот на неделава си заминала дома, откако ѝ бил одобрен условен отпуст.

 „Осуденичката Јанева доби условен отпуст и таа ќе има обврска редовно да се јавува во Основниот кривичен суд Скопје сѐ до целосното истекување на казната“, изјави Јовановски. Условниот отпуст подразбира и други законски обврски, меѓу кои и забрана за сторување ново кривично дело. Во спротивно, осуденото лице може повторно да биде вратено на издржување на затворската казна.