Денеска продолжи објавувањето на „боимбите“ за локалните избори во 2013-та, кои не одекнаа во јавноста, а главна „ѕвезда“ на судењето за „Титаник“ повторно е поранешниот министер за транспорт и врски Миле јанакиески.

Обвинетиот ревносно се бори ВМРО-ДПМНЕ да победи во општините каде што тогаш неговата партија загуби, односно во Струмица, Куманово и Центар.

Миле бара сопартиец по телефон да го праша како оди гласањето на луѓето кои ги регистрирале со списоци.

„Те бараше и тој, ама ти не крена. Сега се тушира, ќе ти се јави“, му вели сопругата на сопартиецот на Миле.

„А бе какво туширање! Избори се, он се тушира!“, му забележува Миле, а сопругата на бараниот се засмејува и вели: „Добро, добро“.