Од тројцата обвинети кои не ја признаа вината во случајот „Двојник“ за фалсификување на 215 лажни пасоши за членови на подземјето, одредена е една затворска казна од три години и две условни.

Кривичниот суд на Фарук Буки му одреди три години затвор, додека за Весна Колевска и Бранислава Владичевска беше изречена условна казна во траење од една година.

Претходно кај обвинетите кои досега признаа вина, шест добија затворски казни од 1 година и 7 месеци, до 2 години и 7 месеци, додека едно лице доби условна казна.

Во случајот „Двојник“ обвинети беа 11 лица, од кои 10 се вработени како службеници во МВР., додека 11-тото лице е посредник.

Тие се обвинети поради тоа што во период од 2017 до 2020 година издале 215 нелегални пасоши.