Најмалку 120 жители во неколку села околу Гевгелија и Богданци се жалеле на болки во стомакот и имале симптоми на труење.

Триесет и осум лица со тешка клиничка слика се задржани на болничко лекување.

Како што наведоа лекарите причина за епидемијата е неисправна водата за пиење.

Денеска преку сторија на Телевизија 24  јавноста дозна дека 120 жители од населените места Стојаково, Селемлија и Богородица се заразиле со бактеријата ешерихија коли. 

Во моментов се утврдува како настанало загадување на водата  од кои жителите на Стојаково и Селемли завршија во болница.

Она што предизвика најмногу револт кај граѓаните е тоа што никој не им кажал дека водата не е за пиење.

Бараат одговорност од надлежните бидејки во селото има и деца и бремени жени кои пиеле загадена вода.