СДСМ го поддржува ставот на македонскиот премиер Зоран Заев дека е избрзано формирањето на војска на Косово во време на регионални тензии, кореспондирајќи со оној на НАТО и на САД.

Оваа изјава предизвика негативни реакции од Алијанса за Албанците и Беса, но исто така ги „зовре“ социјалните мрежи со коментари од албанските граѓани дека „Заев не треба да заборави кој до донел на власт“.

Последната анкета на Македонскиот центар за меѓународна соработка, објавена на 21 ноември, покажа дека СДСМ е најомилената партија кај Албанците во Македонија со доверба од 27.5%, а по неа следи ДУИ со 27%. 

Најголемата опозициска партија, ВМРО-ДПМНЕ, сега за сега без став околу формирањето на војската на Косово.

Инаку, вчера косовското Собрание, по 10 години независност ја формираше државната војска. Со 106 гласа „за“, беше усвоен законот за Министерството за одбрана, додека со 107 гласа беше донесен Законот за безбедносните сили на Косово, кои беа формирани во 2009 година, врз основа на планот на Ахтисар.