Градот Скопје конечно избра изведувач за реконструкција на Лунапаркот во Скопје кој се ветува од самиот почеток на првиот мандат на градоначалникот Коце Трајановски и со години се одлужува. Сега е соопштено дека изградбата ќе започне следната година за до летото да бидат поставени првите нови забавни содржини, а ќе има повеќе фази на инсталација на реквизитите.

- Градот Скопје веќе избра изведувач кој треба да ги направи градежните работи и партерното уредување во Луна паркот. Тоа ќе оди фазно во зависност од динамиката на набавката на справите и реквизитите. При крај е изборот на фирмите кои треба да ги донесат и монтираат справите, се надевам дека изборот на тие фирми ќе заврши за неполн месец. Очекуваме дека следното лето во 2017-та година тие справи ќе дојдат и тој дел ќе биде исто така партерно уреден, изјави градоначалникот Коце Трајановски.

Во изминатите години имаше повеќе измени на идејниот проект, а не успеа намерата да се најде концесионер кој ќе оперира со Лунпаркот 35 години. Новата вредност на изградбата се проценува до 6 милиони евра и се очекува да биде целосно завршена во 2019-та.