Судскиот совет денеска ги избра вршителите на должноста претседател на Врховниот и Кривичниот суд, откако им истекоа мандатите на актуелните претседатели Лидија Неделкова и Владимир Панчевски.

Како што пренесуваат медиумите судијката, Татјана Михајлова ќе застане на чело на Основниот суд Скопје 1, додека пак судијката Снежана Бајлозова е избрана за в.д претседател на Врховниот суд.

Татјана Михајлова е судијката која што треба да го води случајот кој го покрена Специјалното јавно обвинителство против поранешниот премиер, Никола Груевски .

Избирањето на редовните претседатели во овие две позиции е одложени поради изборите на 11 декември, затоа е донесена одлука овие две институции да имаат вршители на должноста до редовните избори или привремени претседатели.

Освен Панчевски, кандидати за претседател на Кривичниот суд беа и Владимир Туфекџиќ и Иван Џолев додека за претседатели на Врховен освен актуелната претседателка Лидија Неделкова беа и поранешниот претседател на судот, Јово Вангеловски и судијките Снежана Бајлозова и Беса Адеми.