Лидерска средба под покровителство на претседателот Стево Пендаровски, на која треба да се разговара за терминот за одржување на предвремени парламентарните избори ќе се одржи денеска на пладне. 

Ова е втор обид да се договори датум откако на минатата средба партиските лидери не успеаја да се договорат. 

Лидерот на СДСМ Зоран Заев вчера изјави дека изборите се неопходни и дека тие треба да се одржат во првиот можен рок како што препорачуават здравствените власти. Рече и дека ако опозицијата има аргументи ќе ги прифати и нема да инсистира на зибори на 21 или 28 јуни. 

Како што вели, нема  ултиматум за датумот за избори, сака заеднички договор и како што вели, да бидеме разумни и одговорни затоа што мора да научиме да живееме со кризата додека не се најде вакцина.

– Во такви околности сите треба да  бидеме разумни и да ги вратиме во функција институциите, како Парламентот и политичката Влада, вели Заев

ВМРО ДПМНЕ смета дека сите напредни земји бараат политички консензус и исполнување на здравствените критериуми за да одат на избори.