-Нема што да криеме, инспекцијата е добредојдена во ИВЗ, ќе ја чекаме со баклава. Кога сакаат нека дојдат, нека видат и нека проверат – велат за „Слободен печат” од ИВЗ.

Оттаму најавуваат дека утре ќе излезат со официјален став, по средбата на реизот со  муфтиите, што се организира на  нивно барање.

Од таму велат дека ИВЗ го организира хаџот, но нема продажба на визи.

– Владата негува добар однос со сите верски заедници. Не сме надлежни, ниту сакаме, а и Уставот не дозволува инволвирање во внатрешните избори и уредувања, но тоа не значи дека некој може да биде надвор од Законот кога се работи за плаќање даноци, придонеси – истакна премиерот Зоран Заев и рече дека ќе и наложи на трудовата инспекцискија да провери што се случува во ИВЗ.