Иво Котевски, директорот на Центарот за комуникации на ВМРО-ДПМНЕ дојде во Специјалното јавно обвинителство каде треба да даде исказ како осомничен во случајот „Талир“. 

Станува збор за обвинувањата за незаконско финансирање на партијата.

Се очекува да се појават и други високи функционери на партијата, како Илија Димовски и Александар Бичиклиски. Специјалната јавна обвинителка, Катица Јанева, најави дека денеска треба да се појават сите осомничени кои во петокот не дојдоа на распит.

Лидерот на ВМРО-ДПМНЕ и екс премиер, Никола Груевски  најверојатно денеска нема да се појави. Неофицијално тој е во странство. 

Во случајот „Талир“, досега осомничени се 14 лица, за перење пари и нелегално финансирање на партијата.