Иванов и Заев подготвуваат декларација за територијалниот интегритет и суверенитет на Македонија
Кабинетите на македонскиот претседател Ѓорге Иванов и на лидерот на СДСМ Зоран Заев усогласуваат декларација за зачувување на територијалниот интегритет, суверенитет и интегритет на Република Македонија. Ова го соопшти самиот Зоран Заев.
Тој додаде дека е во постојан контакт со претседателот за координација на декларацијата.
"Штом оваа работа биде завршена, очекувам претседателот да ми врачи мандат за формирање влада", додаде Заев.
Според зборовите очекува тоа да се случи до 10 дена. Логично е во средината на следната недела да добиеме мандат за нова влада ", рече Заев.
Заев го повтори и ставот за локалните избори и законски измени кои треба да се направат за да не се блокира работата на локалната самоуправа. Според него потребно е парламентарните групи да подготват договор за измени во изборниот закон. Тој треба да помине низ правната комисија и Комисијата за политички системи. Како можен рок за локалните изоре лидерот на СДСМ го спомена октомври оваа година или март следната година.
Заев досега ја повторуваше многупати изјавата дека очекува ако добие мандат од претседателот Ѓорге Иванов, до крајот на месецот да биде формирана новата македонска влада. Заев изрази подготвеност за средба со шефот на државата заедно со коалициските партнери, на која уште еднаш ќе биде загарантирана унитарноста на државата.
Слично
Поврзани вести
