Иванов и кандидатката за негов наследник Силјановска прошетаа низ Охрид
Претседателот Иванов денеска низ Охрид прошета со кандидатката на опозицијата за шеф на државата Гордана Силјановска.
Со Иванов и професорката која е кандидат за наследник на Ѓорге, во друштво беа и лидерот на партијата Христијан Мицковски и членовите на најтесното раководство на ВМРО ДПМНЕ.
Универзитетската професорка која вчера на конвенцијата на ВМРО ДПМНЕ со убедливо мнозинство е избрана за кандидат на таа партија за претседателските избори, со прошетка низ Охрид, неформално ја стартуваше кампањата.
Официјалниот дел за кампањата според ДИК ќе почне на 1 април.
Изборите на шеф на државата ќе бидат одржани на 21 април, а доколку ниту еден кандидат не победи во првиот круг, тогаш вториот круг претседателските избори ќе биде на 5 мај.
Вториот последователен мандат на четвртиот македонски претседател Ѓорѓе Иванов завршува на 12 мај.
Слично
Поврзани вести
