Иванов е известен дека мандаторот не составил Влада, а се прави на „Тошо“?
Дел од медиумите брифираат дека собраниските служби го известиле претседателот Ѓорге Иванов дека до истекот на рокот, ноќеска на полноќ, мандатарот Никола Груевски, лидер на ВМРО-ДПМНЕ, не успеал да состави Влада, односно не обезбедил мнозинство, а ниту пак поднел некаков предлог за состав на нов кабинет.
САКАМДАКАЖАМ.МК пишува дека од собраниската служба за нивниот портал изјавил дека му е одговорено на претседателот Иванов.
„Со оглед на истекот на утврдениот рок во членот 90 од Уставот на Република Македонија, Собранието на Република Македонија е должно да го извести Претседателот на Република Македонија, дали мандаторот има поднесено програма и предлог за состав на нова Влада“ - рекле од кабинетот на Иванов за МИА.
Оттука не е јасно кои се плановите и идните чекори кои планира да ги преземе претседателот и зошто чека на потврда на нешто што веќе сите го знаат, а не дава информации дали и на кого ќе го даде сега мандатот.
Слично
Поврзани вести
