„ИТНО ВОВЕДУВАЊЕ НА ЕЛЕКТРОНСКА НАРАКВИЦА ЗА НАСИЛНИЦИТЕ!“: ЛДП бара изгласување на законските предлози за да се спречат трегедии како во Велес
Итно воведување на електронска нараквица за насилници бараат претставниците на Либерално деморкатската партија.
Од партијата на денешната пресконференција порачаа дека трагедијата која се случи во Велес, при што свирепо беа убиени Росица Коцева и нејзинот татко Киро Коцев треба да биде последна.
- Трагедијата на Росица и нејзиниот татко нека биде последна, бараме итно воведување на електронска нараквица за насилниците!
„Доколку измените поднесени од страна на нашата пратеничка и претседателка, Моника Зајкова во овој момент беа на сила, насилникот ќе носеше електронска нараквица, а денес Росица и нејзиниот татко сѐ уште ќе беа живи“ - посочи на пресот Цветанка Геговска, членка на Извршен одбор на ЛДП.
Тие посочуваат дека електронската нараквица ќе ја предупредува жртвата доколку насилникот се приближи 100 метри до жртвата и ќе го зголеми степенот на нејзина безбедност и заштита.
- Ги повикуваме сите пратеници, без разлика на нивната партиска, етничка или верска припадност, да гласаат за измените на Законот за спречување и заштита од насилство врз жените и семејното насилство, да ја воведеме електронската нараквица и да ставиме крај на овие тажни и девијантни појави во нашето секојдневие! - потенцираше Геговска.
Вчера се огласи лидерката на ЛДП која ги праша своите колеги во парламентот дали мирно спијат по смртта на Росица и нејзиниот татко.
- Предложив на 1-ви април да превенираме, за никогаш повеќе да не санираме штети кои се ненадоместливи. Кога зборував, молчеа. Молчеа и без аргументи го отфрлија предлогот за електронска нараквица за превенција на жртвите од насилство. Дали денес мирно спиете сите 102 што пратеника што не дадовте поддршка?!? Доволно е. Ниту една повеќе да не биде жртва на насилство и фемицид - објави Моника Зајкова.
Слично
Поврзани вести
