Не ми дозволија да се омажам за Италијанец, рекла Блерта Поцеста која е главна осомничена за убиството на родителите и сестрата Поцеста.

Таа, како што пренесуваат италијанските медиуми, го организирала целиот масакр на своето семејство во Дебар бидејќи родителите не и дозволиле да стапи во брак за еден италијанец.

Ова е новата верзија која им ја кажала на италијанските медиуми Блерта откако признала дека таа е организатор на грозоморното убиство во албанското семејство кое се случи на 26 август во Дебар. 

Ова е куќата каде одекнале куршумите кои го ликвидираа семејството Поцеста

Семејството Поцеста живеело во Порденоне, Италија, но во Дебар, нивниот град на потекло дошле на одмор и да присуствуваат на венчавка на своите роднини.

Блерта која има 28 години негирала дека таа ги ликвидирала родителите кои спиеле и нејзината најмала сестра.

 Сепак, вештаците на местото на злосторството ги пронајдоа само трагите на Блерта . 

На почетокот ова не беше првата верзија на убиство, бидејќи членовите на семејството рекле дека во прашање е спор со имот и сега се чини дека мотивот е затоа што родителите не и дозволиле на нивната најстара ќерка да се омажи за еден италијански граѓанин, каде што живееле долго време.

Италијанската полиција потврдила дека таа користела дрога и е регистрирана како зависник од дрога во оваа земја.