Граѓаните на Македонија овој викенд ќе имаат најдолг полициски час - движењето е забрането од 16 часот во петок до 05 часот во понеделник, за сите освен за лицата со посебни дозволи и за итни медицински потреби.

Повеќето граѓани се снабдија со основните прехранбени производи за 61-часовниот карантин. Но, и најголем дел од маркетите се мобилизираа и за овој период овозможуваат достава на нарачки до дома. InStore подготви листа на маркети од кои можете да нарачате викендов, врз основа на дозволите што ги издадоа секоја општина поединечно. Кај некои е поставена минимум цена за нарачка, при што доставата е бесплатна, кај други нема ценовно ограничување. Маркетите и контактите се објавени на општинските интернет-страници.