Имер Селмани пред камерите на ТВ21 му одговори на Блерим Река дека го поддржал Стево Пендаровски на изборната конвенција во салата „Борис Трајковски“ затоа што, како што вели, и самиот тој бил консензуален кандидат за претседател на изборите во 2009.

Река, претседателскиот кандидат поддржан од Беса и Алијанса за Албанците, испрати писмо до Тирана за разрешување на Селмани од позицијата почесен конзул заради учество во кампањата на Пендаровски и завземање политичка страна.

- Јас се уште не сум почесен конзул на Албанија. Процедурата е во почетна фаза и треба да видиме за тоа. Инаку јас Пендаровски го поддржувам не заради партиите, туку поради тоа што и јас самиот како него бев консензуален кандидат за шеф на државата - рече Селмани за ТВ21.

Бизнисменот треба да биде прогласен за почесен конзул на Албанија со седиште во Битола.