Го користам името Македонија, но внимавам да не создадам момент на провокација кон кој било колега од земјите членки, со што, можеби, би ѝ наштетил на сопствената држава. изјави за „Независен весник“ опозицискиот пратеник Илија Димовски, кој е деновиве мошне активен како претставник на македонското Собрание на состаноци поврзани со процесот на ратификацијата на пристапниот протокол за Република Северна Македонија во НАТО.

Toj вели дека НАТО и ЕУ - перспективата се стратешки правец на ВМРО-ДПМНЕ од самото нејзино создавање.

Димовски е во Атина, каде што како шеф на делегацијата на Собранието на Северна Македонија во Парламентарното Собрание на НАТО, ќе учествува на состаноците на Политичкиот комитет и Комитетот за цивилна димензија на безбедноста,  што почнуваат денеска, а ќе траат до 6 март. Во Атина е и пратеничката на СДСМ, Катерина Кузмановска.