Иако некои од родителите најавија дека нема да ги пуштат децата на училиште во знак на протест поради аерозагадувањето, сепак тоа не се случи.

Под мотото „Свесно и совесно ја бојкотирам наставата на моето дете“, група родители се организираа на социјалните мрежи денеска да не ги носат децата на училиште. Целта е да се привлече вниманието на надлежните за да се реши проблемот со загадениот воздух. 

За само 24 часа над 600 граѓани се изјасниле дека ќе се придружат на акцијата, а над 2.000 се изјасниле дека се заинтересирани и тие да ја бојкотираат наставата, но денеска немаше бојкот. 

Мерните станици денеска покажуваат дека загаденост на воздухот над дозволените граници има во Лисиче и Миладиновци.