Нов директор на затворот Скопје во населбата Шуто Оризари е Александар Наумоски. 

Тој функцијата ја презеде денеска од досегашниот директор Александар Ѓеорѓиевски.

Наумоски рече дека ќе работи за овозможување на подобри услови во затворите и ресоцијализација. 

Тој е дипломиран правник, магистер по човекови права. Од 2006 до 2011 година работи во Министестерството за правда и е соработник на владиниот агент за застапување на земјава пред Европскиот суд за човекови права во Стразбур.

Наумоски е долгогодишен член на СДСМ. Од 2005 до 2009 бил  советник во Советот на Општина Ѓорче Петров, а од 2009 до 2013 советник во Советот на Град Скопје. На локалните избори во 2013 беше кандидат за градоначалник на Општина Ѓорче Петров.