Социјалдемократите во Европскиот парламент поднесоа амандмани за екстрадиција на поранешниот македонски премиер, Никола Груевски.

Два амандмани се поднесени од Групата на социјал-демократите. 

Бегството на Груевски и азилот кој му го даде Унгарија можно е да влезат во Извештајот на Европскиот парламент за Македонија. Со амндмани од Унгарија ќе се бара да го преиспита азилот кој му го даде на Греувски и да го екстрадира, а за судењето на Груевски да се констатира дека било темелно и транспарентно.

Левицата бара во Извештајот да влезе и тоа дека македонските законски постапки мора да продолжат според процедурите во земјата и дека Груевски треба да биде одговорна во рамките на македонскиот судски систем.

„Унгарија да ја почитува независноста на македонскиот правосуден систем и владеењето на правото во земјата, да го преиспита политичкиот азил даден на Никола Груевски и да пристапи кон негова екстрадиција во Скопје. Очекува сите засегнати страни да дејствуваат строго во согласност со релевантните национални и меѓународни закони и нагласува дека овие судски постапки не треба да се политизираат“, стои во едниот од амандман.

Притоа се наведува дека судењето на Груевски било водено во темелен и транспарентен правен процес, по што тој е осуден за злоупотреба на моќ на две години затвор, што е потврдено од повеќе судови, како и тоа дека тој е обвинет и во четири други кривични предмети и инволвиран и во други пет кривични истраги.

Амандманот на зелените се оценува „како помалку избалансиран“ и „преостар“ и за него потешко ќе било тешко да се добие поддршка од другите европарламентарци, велат извори од ЕП за МИА.