Нестабилно време не очекува и во текот на викендов, кое осбоено ќе се чуствува во попладневните часови. 

Метеопрогнозерот Слачо Попоски најавува локален развој на грмотевични облаци кои ќе условуваат поројни врнежи од дожд, грмежи и засилен ветер. 

- Локално ќе има  и појава на ново невреме, проследено со поројни врнежи од дожд, силни грмежи и електрични празнења, силен ветер  и со појава на град. И во делови од Скопската котлина ќе има развој на грмотевични облаци, а можно е  и ново невреме  денеска - укажува Попоски. 

Повеќе услови за нестабилност, но и за невреме ќе има на изолираните места, и тоа особено во централните предели од државава, како и локално во источната половина од државава.

Апелираме, во случај на појава на невреме  и на силни електрични празнења да не се претстојува на отворен простор  и под осамени дрвја.

Што се однесува до температурите, и покрај постепениот пад на истите, сепак тие ќе бидат сеуште многу високи и ќе се искачуваат во интервалот од 33 до 40 степени, во Скопје до околу 39 степени.