Веќе долги години на Фејсбук функционира група насловена „Ѕид на сообраќајниот срам“, каде се објавуваат граѓани кои непрописно паркираат.

Деновиве, една таква фотографија беше објавена и за скопската полиција.

Имено, полициско возило е фотографирано од член на групата, паркирано на тротоар каде всушност не е дозволено паркирање.

Реакциите се бројни. Додека едни велат дека полициско возило, возило на Брза помош и на Пожарна смеат секаде да паркираат, други велат дека можеби паркирале тука заради тоа што биле на некаква интервенција. Трети пак, традиционално и сеирџиски коментираат дека отишле да јадат или пак дека паркирале за да ги заштитат минувачите од вирот полн со вода.