Од снимката од настаните од 27 април лани од упадот во Собранието, како што рече обвинителката Ивана Трајчева на денешното судење, може да се види дека по пратеникот Зијадин Села удирале и обвинетите Мунир Пепиќ и Вилијам Михајловски.

Адвокатката на Пепиќ даде приговор на коментарот на обвинителката, велејќи дека не се гледа никаков контакт на Пепиќ и Села.

Приговор дадоа и обвинетите Пепиќ и Михајловски, посочувајќи дека не го удирале Села.

Пепиќ вели дека Села бил на метар и пол од него. 

Инаку, Законот за амнестија, што веќе се дебатира, ќе се комплетира до крајот на оваа или почетокот на идната недела и со него јасно ќе се разграничи што значи учество во насилство, кревање рака, организација и осмислување упад во Собранието.