На отворањето на Македонскиот културен клуб „Никола Вапцаров“ во Благоевград, присуствуваше делегација на Демократскиот сојуз во состав, Борче Јакимовски, Владо Кроневски, Јорданчо Теодосиев и Филип Антовски, информираа од партијата.

Од ДС велат дека делегацијата даде јасна поддршка за признавање на правата на Македонците, при што имаше средба со раководството и основачите на Македонскиот културен клуб.

„Како што Бугарите во Македонија можат да се здружуваат, да формираат клубови, политички партии, да ги негуваат нивните културни особености, тие права согласно меѓународните и европски конвенции мора да ги имаат и Македонците во Бугарија“, стои во соопштението на ДС.

Претставници на Левица, ВМРО-ДПМНЕ и соработници на кумановскиот градоначалник Максим Димитриевски присуствуваа на настанот за отворање на клубот „Никола Вапцаров“.