И КОЦЕ ТРАЈАНОВСКИ СЕ ОГЛАСИ ЗА ГОСТИВАР-БУКОЈЧАНИ: Главен проблем е експропријацијата
Гостивар-Букојчани е втора делница од четирите на коридорот 8 и коридорот 10д, кои се со вкупна должина од 110 км, објави Коце Трајановски, директор на Државни патишта.
„Ние наследивме успорен па дури и закочен проект во одредени сегменти. Наша обврска е да ја забрзаме работата бидејќи во спротивно согласно со договорот со Бехтел и Енка плаќаме големи месечни суми за неработење. Главен проблем е ескпропријацијата која според договорот од 8.03.2023 година требаше да биде завршена пред да дојдам за директор. За 12 месеци имаше експроприрано 1117 катастарски парцели, а откако сум дојден за директор за два и пол месеци експроприравме 2432 парцели. Притоа сакам да се заблагодарам на министерството за транспорт за огромната поддршка и взаемното решавање на проблемите. Покрај тоа ова е плод на интензивна соработка и со Државното правобранителство, Управата за имотно правни работи, Агенцијата за катастар, министерството за земјоделие, ЈП Македонски шуми. До крајот на годината ќе биде целосно решена експропријацијата. Со решавањето на експропријацијата на Бехтел и Енка им се отвора можност понатаму непречено да работат. Паралелно со ова интензивно работиме на проектирање и расчистување на теренот“, напиша тој на социјалните мрежи.
Слично
Поврзани вести
