„Работејќи во колегијална и конструктивна атмосфера, двете делегации особено внимание посветија на прашањето за наставните програми и учебниците што се во употреба и договорија нивно усогласување согласно духот и словото на Преспанскиот договор. На вториот состанок е потврдена одлучната заложба на членовите на Заедничкиот комитет, новите генерации во двете земји и во регионот да се едуцираат во духот на европските вредности на солидарност, доверба и меѓусебна соработка“, соопшти МНР.
Следниот состанок на делегациите составени од експерти ќе се одржи во Атина на 12 и 13 април, на кој ќе се дефинираат препораките и ќе се надградат.
