И ГАШИ НА ПРОШТАЛНА КАЈ АГЕЛЕР: Високо го ценам нејзиниот ангажман
Претседателот на Собранието, Африм Гаши, денеска беше на проштална средба со амбасадорката на САД во заминување, Анџела Агелер.
„Чест ми беше да одржам проштална средба со амбасадорката на Соединетите Американски Држави, Н.Е. Анџела Агелер, по повод завршувањето на нејзината дипломатска мисија во нашата земја.
Високо го ценам нејзиниот ангажман, кој преку отворен, принципиелен и конструктивен пристап придонесе за градење доверба и одржлива соработка со институциите на земјата, вклучително и со Парламентот.
Ги потврдивме нашите одлични односи и непоколебливо стратешко партнерство, нагласувајќи дека САД остануваат наш најсилен сојузник и докажан пријател во стабилноста, безбедноста, владеењето на правото, демократскиот развој и борбата против корупцијата.
Како заклучок, изразив најискрена благодарност до амбасадорката Агелер за белегот што го остави во нашата земја, посакувајќи ѝ понатамошен успех во нејзините идни ангажмани “, напиша тој на Фејсбук.
Слично
Поврзани вести
