Попладнево преку својот профил на социјалната мрежа „Х“ се јави и претседателката на Европската комисија, Урсула фон дер Лајен која прво и ја честиташе титулата претседател на Гордана Силјановска - Давкова, како прва жена претседател во нашата историја, но неколку часа подоцна ги потсети новите лидери дека земјата треба да продолжи со приспатувањето во ЕУ преку спроведување на реформите и почитување на склучените договори, меѓу кои и Преспанскиот.

- За Северна Македонија да го продолжи својот успешен пат кон пристапувањето во ЕУ, најважно е земјата да продолжи по патот на реформите и целосно почитување на нејзините обврзувачки договори, вклучително и Договорот од Преспа - објави Урсула фон дер Лајен на „Х“. 

Претходно Фон Дер Лајен напишта:

- Честитки, Гордана Силјановска-Давкова што стана првата жена претседател на Северна Македонија.

Вашето лидерство доаѓа во клучен момент, додека вашата земја ги унапредува своите реформи и продолжува на својот пат кон ЕУ.

Со нетрпение очекувам да работам со вас - стои во објавата на „Х“. 

For North Macedonia to continue its successful path on EU accession it is paramount that the country continues on the path of reforms and full respect for its binding agreements, including the Prespa Agreement.

— Ursula von der Leyen (@vonderleyen) May 12, 2024