Во последното деноноќие најмногу дожд наврна во Дебар. 

Во изминатите 24 часа најмногу дожд наврна во Дебар, дури 53 литри, додека снежната покривка до 7 часот утринава изнесуваше 47 сантиметри на Попова Шапка, 27 сантиметри во Маврово, 7 сантиметри во Крушево.

До 7 часот најниска температура од градовите е измерена во Крушево, и тоа -1 степен, а највисока во исто време е измерена во Гевгелија, и тоа 7 степени.

Времето денеска ќе биде променливо облачно со повремени врнежи од дожд, соопшти Управата за хидрометеоролошки работи(УХМР).

Најниските утрински температури ќе изнесуваат од -1 до 5 степени Целзиусови, а максималните дневни температури ќе се движат од 2 до 10 степени Целзоусови.

На планините и на некои од повисоките места ќе врне снег. Ќе дува умерен, а долж Повардарието, засилен северен ветар.

Во Скопје времето ќе биде променливо облачно со повремен дожд, а во повисоките делови од котлината ќе врнат дожд и снег. Ќе дува умерен северен ветар.

Од 06:55 часот утрово, на патниот правец Гостивар – Стража и обратно, воведена е забрана за движење на тешки товарни возила, соопшти Автомото сојузот на Македонија (АМСМ).

foto freepik.com