Министерот за здравство, Венко Филипче преку пост на Фејсбук изрази благодарност кон  хуманите ќерки на највозрасната пациентка. Сите три беа позитивни, но се изборија со болеста, а Славица и Мирјана веќе донираа конвалесцентна плазма.  

Славица и Мирјана се двете ќерки на најстарата излечена пациентка од КОВИД-19, кои исто така беа позитивни и оздравеа од овој вирус. Тие минатата недела даруваа конвалесцентна плазма која ќе се користи како лек и надеж за потешките пациенти заболени од коронавирусот. Од сè срце им се заблагодарувам за хуманоста.

Упатувам апел до сите оние лица кои се излечени од КОВИД-19 да се пријават за дарување на конвалесцентна плазма. За пријавување пополнете го електронскиот формулар на веб-страницата на Институтот за трансфузиона медицина: https://bit.ly/30ufhA4

Да бидеме хумани и да им помогнеме на пациентите заболени од КОВИД-19 побрзо да оздрават, напиша министерот на својот профил на Фејсбук.