Општинската организација Кисела Вода при Црвениот крст организира хуманитарен концерт кој во недела (19.03) од 19:00 часот ќе се одржи во Драмскиот театар во Скопје. 

Целта е да се соберат средства со кои ќе му се помогне на семејството Димитриевски со самохрана мајка со две малолетни ќерки од кои едната боледува од ментален хендикеп и атрофија на мускулите.

Картите ќе се продаваат по цена од 100 денари и истите можат да се резервираат или да се купат пред самиот почеток на концертот. 

На концертот ќе учествуваат: Ансамбл Студио Фолклор, КУД Гоце Марковски, Фолклорно Студио Етнос, Либеро Бенд, Дамјан Димески, Марија Спасовска, Бенд при СЕПУГС "Васил Антевски-Дрен", Оркестар при ДМУБЦ "Илија Николовски-Луј".