Девојчиња од Македонија со нивните другарки имале хорор епизода во Калитеа за која посведочија за ТВ 24. 

Сопствениците на апартманот во кој биле сместени, мајка и син, бурно реагирале затоа што наводно пуштиле гласна музика. Тие ги исфрлиле на улица на четвртиот ден од планираните 7 дена на престој, а притоа и физички ги нападнале удирајќи им шамари и влечејќи ги за коса. 

Исто така девојчињата од Македонија добиле бројни националистички навреди. Грчката полиција само земала изјави но, не презела повеќе чекори. 

Двете од девојчињата кои имале црногорски и американски пасош случајот го пријавиле во конзуларните претставништва кои им понудиле помош. Другите пак, се жалат дека не добиле никаква грижа од македонскиот конзулат во Грција.