Премиерот на Холандија, Марк Руте кој ја посети земјава вели дека Македонија мора да го реши проблемот со Бугарија. 

Вели дека прашањето меѓу Бугарија и Македонија е билатерално и не треба да ги запира притапните преговори.

Тој се надева дека ќе се најде решение по изборите во Бугарија и како што наведе, имајќи го предвид фактот дека неговите колеги во ЕУ го делат ставот дека билатералното прашање меѓу Софија и Скопје не треба да е пречка за отворање на преговорите со Северна Македонија и Албанија.

Премиерот Зоран Заев го информираше премиерот Руте и за најновата иницијатива „Отворен Балкан“ меѓу Северна Македонија, Албанија и Србија, која има за цел да го демонстрира заедничкиот капацитет на регионот и да донесе конкретни придобивки за нашите граѓани и бизниси што е комплементарно со пристапниот процес преку кој ќе овозможи подобро да се подготвиме за целосна интеграција во политиките на ЕУ. Руте од своја страна ја изрази поддршката за процесот „Отворен Балкан“ и додаде дека иницијативата треба да остане отворена и за другите држави во регионот.