Новиот вицепремиер задолжен за спроведување на Рамковниот договор Хазби Лика посочи дека не може да гарантира закон со кој ќе се третираат припадниците на ОНА, загинатите борци, ранетите и нивните семејства, бидејќи засега нема таков договор во новата влада како што немало и во претходните влади. 

„Мислам дека нешто треба да се направи во врска со ова, а за тоа што ќе следи, моментално, не сум во можност да зборувам детално, за лошо да не се интерпретира од јавноста и особено од оние кои беа директни учесници во овој конфликт. Не можам да кажам дали ќе се усвои некој закон. Бидејќи досега договорите што се направени меѓу албанските партии и во сегашната владина коалиција, не успеале да се договорат за такво нешто. Мислам дека со текот на времето треба да се види и оваа работа, ако е можно, барем семејствата на паднатите борци и оние што беа ранети за време на војната да се третираат од државата“, рече Лика за Алсат М.

Да постетиме ДУИ го блокираше и носењето на законот за бранителите од 2001-ва. Тогаш се потенцираше дека голем број на ветерани на ОНА сепак, добиваат социјална заштита од државата преку различни програми, а постојат и голем број на вработувања во јавните институции.