Косовскиот премиер Рамуш Харадинај во интервју за МИА, кое треба да биде цеосно објавено подоцна, вели дека договорот што се очекува оваа година помеѓу Косово и Србија може да преземе некои позитивни одредби од Преспанскиот договор, но генерално модеот е несоодветен за спорот на тие две држави.

„Се надевам дека и ние ќе успееме да преземеме некои добри одредби од Преспанскиот договор. Не би смеел, сепак, да кажам дека тоа е модел, бидејќи релациите меѓу Косово и Србија се поинакви“, вели Харадинај 

Додава дека односите меѓу Косово и Србија се битни и дека целта е да се постигне договор што ќе обезбеди траен мир, а не промена на има на една држава.

„Потребно е постигнување сеопфатен договор, бидејќи меѓу Белград и Приштина има долга листа на работи за кои мораме да се договориме: од воена отштета, сукцесијата, трговијата и политиката, правата на српската заедница која живее на Косово, верските и сите останати права…“, додаде тој.