Еврокомесарот за проширување и добрососедска политика,  Јоханес Хан прв се огласи во Брисел за исходот од референдумoт. 

Тој вели дека гласовите „за“ на референдумот се значајни и со тоа се дава поддршка на Договорот од Преспа, јави дописничката на МИА од Брисел.

„Им честитам на оние кои гласаа денеска на консултативниот референдум и ги искористија своите демократски слободи. Со значајното „да“ има широка поддршка за Преспанскиот Договор и евроатлантската иднина на земјата“ – напиша Хан на Твитер.

Очекува сите политички лидери да ја почитуваат оваа одлука и да ја спроведат со голема одговорност и единство ширум партиските линии во интерес на земјата, повика Хан.

Дипломатски извори во Брисел за МИА велат дека се надеваат дека опозицијата „ќе биде поконструктивна од досега“ и дека ќе ја поддржат институционалната процедура.